ວັນທີ:
ທີ່ຢູ່ປັດຈຸບັນ:ໜ້າທຳອິດ > ການຄ້າພາກພື້ນ

ຈີນຈະເພີ່ມທະວີການນຳເຂົ້າສິນຄ້າເພື່ອ ຊຸກຍູ້ໃຫ້ການຄ້າພັດທະນາຢ່າງກົມກຽວກັນ

ແຫຼ່ງທີ່ມາ:  ວັນທີ:

  ວິທະຍຸສາກົນແຫ່ງປະເທດຈີນລາຍງານວ່າ: ໃນເວທີປຶກສາຫາລືການນຳເຂົ້າສິນຄ້າຂອງຈີນ ປີ 2011 ທີ່ຈັດຂຶ້ນຢູ່ຊຽງໄຮ ໃນຫວ່າງມໍ່ໆມານີ້, ທ່ານ ຈົ່ງຊ່ານ ລັດຖະມົນຕີວ່າການກະຊວງການຄ້າຈີນ ທັງເປັນຮອງຜູ້ຕາງຫນ້າຈີນ ໃນການເຈລະຈາການຄ້າສາກົນກ່າວວ່າ: ປະຈຸບັນຈີນໄດ້ກ້າວເຂົ້າສູ່

  ໄລຍະໃຫມ່ທີ່ໃຫ້ຄວາມສຳຄັນໃນການພັດທະນາການນຳເຂົ້າ ແລະ ສົ່ງອອກ ໄປພ້ອມກັນ, ໃນຕໍ່

  ຫນ້າ, ຈີນຈະສືບຕໍ່ເພີ່ມທະວີການນຳເຂົ້າສິນຄ້າ,ຊຸກຍູ້ໃຫ້ການຄ້າຂາເຂົ້າ-ຂາອອກພັດທະນາຢ່າງ

  ກົມກຽວກັນ.

  ທ່ານ ຈົ່ງຊ່ານ ຊີ້ອອກວ່າ: ນັບຕັ້ງແຕ່ເຂົ້າເປັນສະມາຊິກອົງການການຄ້າໂລກ ຫລື WTO ມານີ້, ລະບຽບກົດໝາຍທາງດ້ານການຄຸ້ມຄອງການນຳເຂົ້າຂອງຈີນ ນັບມື້ນັບສົມບູນຂຶ້ນ, ລະດັບການເປີດ

  ຕະຫລາດໄດ້ຍົກສູງຂຶ້ນເລື້ອຍໆ, ການນຳເຂົ້າໄດ້ເຕີບໂຕຢ່າງວ່ອງໄວ, ແຕ່ຍັງມີບັນຫາຫລາຍຢ່າງ

  ເຊັ່ນ: ໂຄງປະກອບການຄ້າ ແລະ ນະໂຍບາຍຍັງບໍ່ສົມບູນປານໃດ, ຄວາມສະດວກໃນດ້ານການຄ້າ

  ຍັງບໍ່ຫລາຍປານໃດ ແລະ ອື່ນໆ. ໃນຕໍ່ຫນ້າ, ພາກລັດ ພ້ອມດ້ວຍວິສາຫະກິດຄວນຮ່ວມມືກັນຊຸກຍູ້

  ການເປີດກວ້າງການນຳເຂົ້າ. ລັດຖະບານຈີນຈະປັບປຸງນະໂຍບາຍການນຳເຂົ້າທີ່ກ່ຽວຂ້ອງໃຫ້ດີຂຶ້ນ, ສ້າງສະພາບແວດລ້ອມການຄ້າທີ່ມີຜົນດີຕໍ່ການນຳເຂົ້າ.

  ສະຖິຕິສະແດງໃຫ້ເຫັນວ່າ: ລະຫວ່າງປີ 2002 ຫາ 2010, ປະລິມານການນຳເຂົ້າຂອງຈີນໄດ້ເພີ່ມ

  ຂຶ້ນ 3,7 ເທົ່າ, ມີລຳດັບໂລກສູງຂຶ້ນຄືຈາກອັນດັບທີ 6 ຂຶ້ນເປັນອັນດັບທີ 2, ກາຍເປັນປະເທດສຳຄັນ

  ໃນດ້ານການນຳເຂົ້າຂອງໂລກ ແລະ ຍັງກາຍເປັນຕະຫລາດສຳຄັນສຳລັບການສົ່ງອອກສິນຄ້າຂອງ

  ປະເທດໃຫຍ່ທາງດ້ານການຄ້າເຊັ່ນ: ເອີຣົບ, ອາເມລິກາ ແລະ ຍີ່ປຸ່ນ.

  

[ຕາຕະລາງເນື້ອໃນທີ່ກ່ຽວຂ້ອງ]

    ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
    ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ