ວັນທີ:
ທີ່ຢູ່ປັດຈຸບັນ:ໜ້າທຳອິດ > ຈໍລະຈອນພາກພື້ນ > ການກໍ່ສ້າງເສັ້ນທາງສາກົນ

8 ແຂວງຂອງລາວ - ຫວຽດນາມ - ໄທທົບທວນການນຳໃຊ້ເສັ້ນທາງເລກ 8 ແລະ ເລກ 12

ແຫຼ່ງທີ່ມາ:  ວັນທີ:

  ກອງປະຊຸມຜູ້ແທນຂັ້ນສູງຂອງ 3 ປະເທດ 8 ແຂວງ ລາວ- ຫວຽດນາມ ແລະ ໄທ ທີ່ນຳໃຊ້ເສັ້ນທາງ

  ຫມາຍເລກ 8 ແລະ ຫມາຍເລກ 12 ຄັ້ງທີ XV ເຊິ່ງແຂວງຄຳມ່ວນ ຮັບກຽດເປັນເຈົ້າພາບ ໄດ້ຈັດຂຶ້ນ

  ໃນວັນທີ 12 ພະຈິກ 2011 ນີ້ ທີ່ຫ້ອງວ່າການປົກຄອງແຂວງຄຳມ່ວນ ພາຍໃຕ້ການເປັນປະທານ

  ຂອງທ່ານ ສົມໃຈ ເພັດສີນວນ ຮອງເຈົ້າແຂວງໆຄຳມ່ວນ ຊຶ່ງມີຫົວຫນ້າຄະນະຜູ້ແທນແຕ່ລະ

  ແຂວງຂອງ 3 ປະເທດ 8 ແຂວງ ລາວ - ຫວຽດນາມ - ໄທ ຄື: ແຂວງຄຳມ່ວນ, ແຂວງບໍລິຄຳໄຊ ສປປ ລາວ; ແຂວງເງ່ອານ, ແຂວງຮ່າຕິ່ງ, ແຂວງກວາງບິ່ງ ສສ ຫວຽດນາມ ແລະ ຣາຊະອານາຈັກໄທ ມີແຂວງນະຄອນພະນົມ, ແຂວງສະກົນນະຄອນ, ແຂວງຫນອງຄາຍ ພ້ອມດ້ວຍພະນັກງານ, ວິຊາ

  ການທີ່ກ່ຽວຂ້ອງແຕ່ລະແຂວງເຂົ້າຮ່ວມ. ກອງປະຊຸມບັນດາທ່ານຫົວຫນ້າຄະນະຈາກ 8 ແຂວງລາວ, ຫວຽດນາມ ແລະ ໄທ ໄດ້ມີການຜັດປ່ຽນກັນສະຫລຸບສັງເກດຕີລາຄາ ເພື່ອທົບທວນຄືນການຈັດຕັ້ງ

  ປະຕິບັດເນື້ອໃນບົດບັນທຶກການນຳຂັ້ນສູງຂອງບັນດາປະເທດລາວ, ຫວຽດນາມ ແລະ ໄທ ທີ່ນຳໃຊ້

  ເສັ້ນທາງຫມາຍເລກ 8 ແລະ ເລກ 12 ຄັ້ງທີ XIV ຊຶ່ງການນຳຂັ້ນສູງແຕ່ລະແຂວງໄດ້ຮ່ວມກັນລົງ

  ນາມໃນຄັ້ງວັນທີ 8 ມັງກອນ 2010 ຢູ່ ແຂວງສະກົນນະຄອນໃນປີຜ່ານມາ, ເປັນຕົ້ນດ້ານວຽກງານ

  ການສຶກສາ, ວັດທະນະທຳ ແລະ ກິລາ, ດ້ານການຄ້າ ແລະ ການລົງທຶນ, ການທ່ອງທ່ຽວ ແລະ ລະບົບກົນໄກການປະສານງານ ຊຶ່ງໃນໄລຍະຜ່ານມາສັງເກດເຫັນວ່າໃນແຕ່ລະຂົງເຂດໄດ້ມີໂອ

  ກາດສຶກສາບັນດາປັດໄຈຕ່າງໆທີ່ຈະເອື້ອອຳນວຍຄວາມສະດວກ ແລະ ສ້າງເງື່ອນໄຂໃຫ້ແກ່ການ

  ຮ່ວມມືກັນນັບມື້ກວ້າງຂວາງ ບົນພື້ນຖານຕ່າງຝ່າຍກໍ່ຢຶດຫມັ້ນໃນຜົນປະໂຫຍດຮ່ວມກັນ, ປະສານ

  ງານຮ່ວມມືໃນແຕ່ລະດ້ານໃຫ້ມີປະສິດທິຜົນ, ຜ່ານການຈັດຕັ້ງປະຕິບັດເຫັນວ່າມີທັງດ້ານດີ ແລະ ດ້ານຄົງຄ້າງ ຊຶ່ງຫົວຫນ້າຄະນະຜູ້ແທນຈາກ 3 ປະເທດ 8 ແຂວງດັ່ງກ່າວຈະໄດ້ພ້ອມກັນສືບຕໍ່ລົງ

  ນາມໃນບົດບັນທຶກຂອງກອງປະຊຸມໃຫຍ່ຄັ້ງທີ XV ແລະ ໄດ້ພ້ອມກັນປຶກສາຫາລືກຳນົດໄດ້ບັນດາ

  ເນື້ອໃນແຕ່ລະດ້ານເປັນຕົ້ນດ້ານສຶກສາ, ວັດທະນະທຳ ແລະ ກິລາ ສົ່ງເສີມການຮ່ວມມືຊ່ວຍເຫລືອ

  ເຊິ່ງກັນ ແລະ ກັນ ດ້ານການສຶກສາ ໂດຍມອບໃຫ້ບັນດາວິທະຍາໄລຂອງບັນດາແຂວງໄດ້ມີການພົບ

  ປະແລກປ່ຽນບົດຮຽນດ້ານການຮຽນພາສາ, ຝຶກອົບຮົມວິຊາຊີບ, ຍົກລະດັບປະລິນຍາຕີ, ປະລິນຍາ

  ໂທ ແລະ ປະລິນຍາເອກ, ສ້າງສູນວັດທະນະທຳລວມຢູ່ທີ່ຫລັກ 20 ເມືອງຄຳເກີດ ແຂວງບໍລິຄຳໄຊ ຈຳນວນ 3 ຫລັງແຕ່ລະຫລັງຂະຫນາດກວ້າງ, ຍາວ, ສູງເທົ່າກັນ, ສົ່ງເສີມແລກປ່ຽນດ້ານສິລະປະ, ກິລາດ້ວຍກັນ ໃນໂອກາດວັນສຳຄັນຕ່າງໆ (ຕາມຄວາມພ້ອມຂອງແຕ່ລະແຂວງ) ຊຸກຍູ້ໃຫ້ບັນດາ

  ລັດວິສາຫະກິດດ້ວຍກັນສ້າງເງື່ອນໄຂລົງທຶນໃນຂະແຫນງການ (ກະສິກຳອຸດສາຫະກຳ ແລະ ການ

  ບໍລິການ) ແຂວງຄຳມ່ວນ ສືບຕໍ່ນຳສະເຫນີລັດຖະບານ ເພື່ອກຳນົດເອົາເສັ້ນທາງເລກ 8 ແລະ ເລກ 12 ເປັນເສັ້ນທາງຂົນສົ່ງສາກົນໃນຂອບ GMS ເພື່ອຮັບປະກັນໃຫ້ລະບົບການຂົນສົ່ງສິນຄ້າຜ່ານ

  ແດນຈາກຫວຽດນາມ - ລາວ ແລະ ໄທ ໄດ້ມີຄວາມສະດວກ. ກອງປະຊຸມຄັ້ງທີ XVI ຈະໄດ້ຈັດຂຶ້ນຢູ່ ທີ່ແຂວງເງ່ອານ ສສ ຫວຽດ ນາມ ເປັນເຈົ້າພາບ ສ່ວນວັນເວລາມອບໃຫ້ແຂວງເຈົ້າພາບເປັນຜູ້ກຳນົດ.

  

[ຕາຕະລາງເນື້ອໃນທີ່ກ່ຽວຂ້ອງ]

    ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
    ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ