ວັນທີ:
ທີ່ຢູ່ປັດຈຸບັນ:ໜ້າທຳອິດ > ຂ່າວສານ

ໂລກຕ້ອງການໃຫ້ອາຊຽນມີບົດບາດຫຼາຍຂຶ້ນ

ແຫຼ່ງທີ່ມາ:  ວັນທີ:

  ວິທະຍຸສາກົນແຫ່ງປະເທດຈີນລາຍງານວ່າ: ທ່ານ ບັນກີມູນ ເລຂາທິການໃຫຍ່ ສປຊ ກ່າວຢູ່ເກາະບາຫລີຂອງອິນໂດເນເຊຍວ່າ:ພ້ອມໆກັບກຳລັງ ແລະ ອິດທິພົນຂອງອາຊຽນມີຄວາມເຂັ້ມແຂງຂຶ້ນເລື້ອຍໆ, ໂລກຕ້ອງການໃຫ້ອາຊຽນມີບົດບາດຫລາຍຂຶ້ນໃນການແກ້ໄຂບັນຫາລະດັບໂລກໃນປະຈຸບັນ.

  ທ່ານ ບັນກີມູນ ກ່າວໃນການຖະແຫລງຂ່າວຫລັງກອງປະຊຸມສຸດຍອດອາຊຽນ ສປຊ ຄັ້ງທີ 4 ອັດລົງວ່າ: ສປຊກຽມທີ່ຈະຮ່ວມມືກັບອາຊຽນທີ່ມີຄວາມເປັນສາກົນຫລາຍຂຶ້ນ, ໂດຍຈະເລັ່ງເສີມການຮ່ວມມືລະຫວ່າງ 2 ຝ່າຍໃນບັນຫາລະດັບໂລກ ແລະ ລະດັບຂົງເຂດຕ່າງໆເຊັ່ນ: ການພັດທະນາແບບຍືນຍົງ, ການປ່ຽນແປງຂອງສະພາບພູມອາກາດ ຄວາມຫມັ້ນຄົງດ້ານອາຫານ ແລະ ພະລັງງານ.

  ຂ່າວແຈ້ງຕື່ມວ່າ: ອາຊຽນ ແລະ ສປຊ ໄດ້ລົງນາມໃນຖະແຫລງການຮ່ວມວ່າດ້ວຍສາຍພົວພັນແບບຫຸ້ນສ່ວນຮອບດ້ານ ເຊິ່ງຖືເປັນເລື່ອງສຳຄັນຂອງກອງປະຊຸມສຸດຍອດຄັ້ງນີ້. ທ່ານ ບັນກີມູນ ກ່າວວ່າ:ຖະແຫລງການຮ່ວມນີ້ເປັນພື້ນຖານສຳຄັນໃນການພັດທະນາຄວາມຮ່ວມມືລະຫວ່າງສປຊ ແລະ ອາຊຽນ ສູ່ລະດັບເລິກ ເຊິ່ງຍິ່ງຂຶ້ນ, ການທີ່ ສປຊ ແລະ ອາຊຽນສ້າງສາຍພົວພັນແບບຫຸ້ນສ່ວນທີ່ ໃກ້ຊິດຍິ່ງຂຶ້ນນັ້ນມີຄວາມຫມາຍສຳຄັນທີ່ສຸດຕໍ່ການແກ້ໄຂວິກິດການທີ່ທົ່ວໂລກກຳລັງປະເຊີນຢູ່.

    

[ຕາຕະລາງເນື້ອໃນທີ່ກ່ຽວຂ້ອງ]

    ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
    ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ