ວັນທີ:
ທີ່ຢູ່ປັດຈຸບັນ:ໜ້າທຳອິດ > ຂ່າວສານ

ແຂວງອັດຕະປື ມີຄວາມພ້ອມ 100% ໃນການຈັດຕັ້ງກອງປະຊຸມ CLV

ແຫຼ່ງທີ່ມາ:  ວັນທີ:

  ບັນດາອະນຸກຳມະການກະກຽມໃຫ້ແກ່ກອງປະຊຸມຄະນະກຳມະການປະສານງານຮ່ວມຂອງຂອບການຮ່ວມມືສາມຫລ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 7 ແລະ ບັນດາກອງປະຊຸມທີ່ກ່ຽວຂ້ອງທີ່ຈະໄດ້ຈັດຂຶ້ນທີ່ແຂວງອັດຕະປື ແຕ່ວັນທີ 6-9 ທັນວາ 2011. ໄດ້ຈັດກອງປະຊຸມປຶກສາຫາລືວຽກງານຮ່ວມກັນຂຶ້ນໃນວັນທີ 5 ທັນວາ 2011 ທີ່ຫ້ອງການແຂວງດັ່ງກ່າວ ໂດຍພາຍໃຕ້ການເປັນປະທານຂອງ ທ່ານ ດຣ. ຄຳພັນ ພົມມະທັດ ເຈົ້າແຂວງອັດຕະປື.

ກອງປະຊຸມໄດ້ຮັບຟັງການລາຍງານຄວາມຄືບຫນ້າຂອງແຕ່ລະອະນຸກຳມະການເຊິ່ງມາຮອດປະຈຸບັນວຽກງານດ້ານຕ່າງໆທີ່ບັນດາອະນຸກຳມະການໄດ້ກະ ກຽມນັ້ນແມ່ນມີຄວາມພ້ອມ 100%.ໃນໂອກາດດັ່ງກ່າວ ທ່ານ ດຣ. ຄຳພັນ ພົມມະທັດ ເຈົ້າແຂວງອັດຕະປື, ທັງເປັນປະທານຄະນະຮັບຜິດຊອບກະກຽມກອງປະຊຸມ CLV ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 5 ທັນວາ 2011 ທີ່ຫ້ອງວ່າການປົກຄອງແຂວງອັດຕະປື ໂດຍທ່ານໄດ້ແຈ້ງໃຫ້ຮູ້ວ່າ: ມາຮອດປະຈຸບັນການກະກຽມໃຫ້ແກ່ການຈັດຕັ້ງກອງປະຊຸມຄະນະກຳມະການປະສານງານຮ່ວມຂອງຂອບການຮ່ວມມືສາມຫລ່ຽມພັດທະນາກຳປູເຈຍ-ລາວ-ຫວຽດນາມແມ່ນມີຄວາມພ້ອມໂດຍພື້ນຖານໃນລະດັບຂອງແຂວງ ເປັນຕົ້ນແມ່ນດ້ານພື້ນຖານໂຄງລ່າງເຊັ່ນ: ຫ້ອງປະຊຸມ, ໂຮງແຮມ, ເຮືອນພັກ ແລະ ດ້ານອື່ນໆ. ກອງປະຊຸມຈະໄດ້ດຳເນີນແຕ່ວັນທີ 6-9 ທັນວາ 2011 ໃນນັ້ນຈະມີ ກອງປະຊຸມປິ່ນອ້ອມຄື: ກອງປະຊຸມຊາວຫນຸ່ມ ຄັ້ງທີ 3 ຂອງ CLV, ກອງປະຊຸມສົ່ງເສີມການຄ້າ,ການລົງທຶນແລະທ່ອງທ່ຽວ,ກອງປະຊຸມອະນຸກຳມະການເສດຖະກິດ ຄັ້ງທີ 5, ກອງປະຊຸມອະນຸກຳມະການພົວພັນຕ່າງປະເທດ ແລະ ຄວາມຫມັ້ນຄົງ ຄັ້ງທີ 5, ກອງປະຊຸມຄະນະປະສານງານຂັ້ນແຂວງຄັ້ງທີ 4, ກອງປະຊຸມປະກັນສັງຄົມ ແລະ ສິ່ງແວດລ້ອມແລະກອງປະຊຸມຢ່າງເປັນທາງການຂອງຜູ້ນຳຂັ້ນສູງCLV,ກອງປະຊຸມຄະນະກຳມະການປະສານງານການເຊື່ອມໂຍງ ຄັ້ງທີ 7 ຂອງ CLV, ກອງປະຊຸມອື່ນໆທີ່ກ່ຽວຂ້ອງຈຳນວນຫນຶ່ງ.

  

[ຕາຕະລາງເນື້ອໃນທີ່ກ່ຽວຂ້ອງ]

    ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
    ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ