ວັນທີ:
ທີ່ຢູ່ປັດຈຸບັນ:ໜ້າທຳອິດ > ຂ່າວສານ > ພາວະງານວາງສະແດງ

ແຂວງຊຽງຂວາງ ຈັດງານຕະຫລາດນັດເປັນ

ແຫຼ່ງທີ່ມາ:  ວັນທີ:

  ງານຕະຫລາດນັດວາງສະແດງສິນຄ້າຢູ່ທີ່ສວນພູຄຳ ຕົວເມືອງໂພນສະຫວັນ ແຂວງຊຽງຂວາງ ໄດ້ເປີດຂຶ້ນໃນລະຫວ່າງວັນທີ 25-31 ມີນາ 2012ໂດຍມີຈຸດປະສົງຊຸກຍູ້ສົ່ງເສີມການຜະລິດ, ຂຸດຄົ້ນທຸກທ່າແຮງ, ສີໄມ້ລາຍມືໜໍ່ແໜງການຜະລິດ, ມູນເຊື້ອຄວາມດຸຫມັ່ນຂະຫຍັນພຽນຂອງປະຊາຊົນບັນດາເຜົ່າທີ່ສ່ອງແສງໃຫ້ເຫັນຮີດຄອງປະເພນີ, ວັດທະນະທຳອັນດີງາມຂອງຊາດ ໂດຍສະເພາະຂອງປະຊາຊົນບັນດາເຜົ່າ ແຂວງຊຽງຂວາງ. ແນໃສ່ໂຄສະນາສິນຄ້າຂອງທ້ອງຖິ່ນໃຫ້ນັກທຸລະກິດມີຄວາມສົນໃຈ ເພື່ອລົງທຶນການຜະລິດ ແລະ ຊອກຕະຫລາດຈຳໜ່າຍຫຼາຍຂຶ້ນ. ທ່ານ ຄຳປາວ ກຳມະການພັກແຂວງ, ຫົວໜ້າພະແນກການຄ້າແຂວງໄດ້ກ່າວຢູ່ໃນພິທີເປີດງານດັ່ງກ່າວຄັ້ງນີ້ວ່າ: ງານຕະຫລາດນັດຄັ້ງນີ້ໄດ້ມີບັນດານັກທຸລະກິດຫຼາຍພາກສ່ວນ,ມີສິນຄ້າຫລາຍຊະນິດແຕກຕ່າງກັນຂອງລາວ, ສສ ຫວຽດນາມ ແລະປະເທດໄທເຂົ້າຮ່ວມຈຳນວນ 69 ຫົວໜ່ວຍ.ສ່ວນຫລາຍແມ່ນປະເພດສິນຄ້າກະສິກຳ, ອຸດສາຫະກຳ ເຊິ່ງລ້ວນແລ້ວແຕ່ແມ່ນສະຕິພູມປັນຍາທີ່ເກີດຂຶ້ນຈາກແນວຄວາມຄິດການນຳໃຊ້ເຕັກນິກວິທະຍາສາດຄວາມຮູ້ຄວາມສາມາດໃນການພັດທະນາສີມຂອງປະຊາຊົນບັນດາເຜົ່າໃຫ້ນັບມື້ນັບຂະຫຍາຍຕົວຫາກບໍ່ພຽງເທົ່ານັ້ນການຈັດງານຕະຫລາດນັດຍັງຊ່ວຍສ້າງໝາກຜົນ ແລະບົດຮຽນອັນລ້ຳຄ່າໃຫ້ແຂວງຊຽງຂວາງນຳອີກ. ໃນໂອກາດທີ່ທ່ານ ນາມ ວິຍະເກດ ກຳມະການສູນກາງພັກ,ລັດຖະມົນຕີວ່າການກະຊວງອຸດສາຫະກຳ ແລະ ການຄ້າທີ່ໄດ້ເດີນທາງມາເຂົ້າຮ່ວມງານຕະຫລາດນັດຄັ້ງນີ້ທ່ານກໍ່ໄດ້ໃຫ້ສຳພາດຕໍ່ນັກຂ່າວພວກເຮົາວ່າ:ຜ່ານການກວດກາເບິ່ງປະເພດສິນຄ້າເຫັນວ່າຜູ້ຜະລິດກໍ່ມີຫົວຄິດປະດິດສ້າງມີສິນຄ້າຫລາຍ ແລະ ມີສີສັນ,ມີຄວາມສວຍງາມທາງດ້ານຄຸນນະພາບ, ການເປີດງານຕະຫລາດນັດຢູ່ແຂວງຊຽງຂວາງນີ້ ມັນໄດ້ກາຍເປັນປະເພນີແລ້ວ ໂດຍສະເພາະຢູ່ໃນສວນພູຄຳແຫ່ງນີ້ກໍ່ໄດ້ກາຍເປັນສູນກາງແຫ່ງການວາງສະແດງສິນຄ້າປະເພດຕ່າງໆຊຸມປີຜ່ານມາກໍ່ໄດ້ຈັດງານຕະຫລາດນັດວາງສະແດງສິນຄ້າຢູ່ແຫ່ງນີ້ນອກຈາກສິນຄ້າພາຍໃນແລ້ວບັນດາສິນຄ້າຕ່າງປະເທດກໍ່ໄດ້ມາວາງສະແດງ ເພື່ອສົ່ງເສີມໃຫ້ມີການຊື້-ຂາຍເຮັດແນວໃດເຮັດໃຫ້ສິນຄ້າຫລາກຫລາຍສີສັນຂຶ້ນກວ່າເກົ່າໂດຍສະເພາະຢູ່ທ້ອງຖິ່ນຮາກຖານໃຫ້ມີຄວາມສາມາດສະໜອງສິນຄ້າໃຫ້ນັບມື້ນັບຫລາຍຂຶ້ນ.

  

[ຕາຕະລາງເນື້ອໃນທີ່ກ່ຽວຂ້ອງ]

    ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
    ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ