ວັນທີ:
ທີ່ຢູ່ປັດຈຸບັນ:ໜ້າທຳອິດ > ຂ່າວສານ > ໃຫມ່ສຸດ

ສະຫາຍ ສົມສະຫວາດ ເລັ່ງສະຫວັດ ພົບປະກັບ ສະຫາຍ ເວີນເຈຍປາວ

ແຫຼ່ງທີ່ມາ:  ວັນທີ:

  

   ໃນໂອກາດເຂົ້າຮ່ວມງານມະຫະກຳວາງສະແດງສິນຄ້າ ຈີນ-ອາຊຽນ ຄັ້ງທີ 8 ແລະ ກອງປະຊຸມສຸດ

  ຍອດວ່າດ້ວຍການຄ້າ ແລະ ການລົງທຶນ ຈີນ-ອາຊຽນ ທີ່ນະຄອນຫນານໜິງ ແຂວງກວາງຊີ ສປ ຈີນ. ພະນະທ່ານ ສົມສະຫວາດ ເລັ່ງສະຫວັດ ກຳມະການ ກົມການເມືອງສູນກາງພັກ, ຮອງນາຍົກລັດຖະ

  ມົນຕີ ໄດ້ພົບປະກັບພະນະທ່ານ ເວີນເຈຍປາວ ນາຍົກລັດຖະມົນຕີ ແຫ່ງ ສປ ຈີນ ໃນການພົບປະຄັ້ງ

  ສຳຄັນນີ້ຜູ້ນຳຂອງທັງສອງປະເທດຕ່າງກໍ່ສະແດງຄວາມເພິ່ງພໍໃຈ ແລະ ຕີລາຄາສູງຕໍ່ການພົວພັນ

  ຮ່ວມມືຮອບ ດ້ານລະຫວ່າງສອງປະເທດ ທີ່ນັບມື້ຂະຫຍາຍຕົວຢ່າງກວ້າງຂວາງ ແລະ ມີປະສິດທິ

  ຜົນອັນໄດ້ນຳເອົາຜົນປະໂຫຍດມາສູ່ປະຊາຊົນສອງຊາດ ລາວ-ຈີນ.

  ຕາງຫນ້າໃຫ້ລັດຖະບານ ແລະ ປະຊາຊົນລາວທ່ານຮອງນາຍົກລັດຖະມົນຕີ ສະແດງຄວາມ

  ຊົມເຊີຍຕໍ່ຜົນສຳເລັດອັນຍິ່ງໃຫຍ່ຂອງລັດຖະບານ ແລະ ປະຊາຊົນຈີນໃນການສະເຫລີມສະຫລອງ

  ວັນຊາດ ຄົບຮອບ 62 ປີ ແລະ ຜົນສຳເລັດໃນການເປັນເຈົ້າພາບຈັດງານແຂ່ງຂັນກິລາລະດູຮ້ອນມະ

  ຫາວິທະຍາໄລ ໂລກຄັ້ງທີ 26 ໃນເດືອນສິງຫາທີ່ຜ່ານມາ. ເຊິ່ງງານມະຫະກຳດັ່ງກ່າວໄດ້ຍົກສູງຖາ

  ນະບົດບາດ, ກຽດສັກສີ ແລະ ຊື່ສຽງຂອງ ສປ ຈີນ ຂຶ້ນອີກຄັ້ງຫນຶ່ງໃຫ້ເປັນທີ່ຍອມຮັບຈາກຊາວ

  ໂລກຍິ່ງຂຶ້ນ. ສຳລັບງານວາງສະແດງສິນຄ້າຈີນ-ອາຊຽນ ຄັ້ງທີ 8 ນີ້ ສປປ ລາວ ໄດ້ແຕ່ງຕັ້ງຄະນະ

  ຜູ້ແທນຫຼາຍຄະນະເຂົ້າຮ່ວມນັບແຕ່ສູນກາງຮອດທ້ອງຖິ່ນ, ນັກທຸລະກິດລະດັບນຳໜ້າ 48 ບໍລິສັດ ແລະ ໄດ້ຈອງ 85 ຫ້ອງວາງສະແດງ ເພື່ອນຳເອົາສິນຄ້າປະເພດເຄື່ອງຫັດຖະກຳ, ຜະລິດຕະພັນໄມ້, ເຄື່ອງດື່ມ ແລະ ເຄື່ອງປະດັບຄິດເປັນມູນຄ່າປະມານ 669,830 ໂດລາສະຫະລັດ ມາວາງສະແດງ

  ທຽບໃສ່ຍອດຂາຍປີຜ່ານມາເພີ່ມຂຶ້ນ 421,163 ໂດລາສະຫະລັດ ແລະ ພິເສດປີນີ້ລາວໄດ້ເລືອກເອົາ

  ແຂວງຈຳປາສັກ ເປັນເມືອງແຫ່ງສະເຫນ່ໃນການສ້າງຮ້ານວາງສະແດງແຫ່ງຊາດຂອງຕົນ ເນື່ອງ

  ຈາກວ່າຈຳປາສັກເປັນແຂວງທີ່ມີເອກະລັກສະເພາະມີແຫລ່ງທຳມະຊາດອັນງົດງາມ ແລະ ມີແຫລ່ງ

  ທ່ອງທ່ຽວປູສະນິຍະສະຖານວັດທະນະທຳທີ່ຖືກຮັບຮູ້ວ່າເປັນມໍລະດົກໂລກ. ສຳລັບການພົວພັນຮ່ວມ

  ມື ລາວ-ຈີນ ແລ້ວ ປີນີ້ເປັນປີທີ່ມີຄວາມຫມາຍສຳຄັນຍິ່ງຂອງການພົວພັນສອງຊາດ ເພາະເປັນປີທີ່

  ສອງພັກ, ລັດ ແລະ ປະຊາຊົນສອງຊາດໄດ້ສະເຫລີມສະຫລອງວັນສ້າງຕັ້ງສາຍພົວພັນການທູດຄົບ

  ຮອບ 50 ປີ ແລະ ເປັນປີທີ່ສອງປະເທດກ້າວເຂົ້າສູ່ປີທຳອິດຂອງການປະຕິບັດແຜນພັດທະນາເສດ

  ຖະກິດ-ສັງຄົມ 5 ປີແຫ່ງລັດຄັ້ງໃຫມ່. ສອງຝ່າຍຕີລາຄາສູງຕໍ່ຜົນສຳເລັດການຢ້ຽມຢາມສັນທະວະ

  ໄມຕີ ສປ ຈີນ ຂອງ ສະຫາຍ ຈູມມາລີ ໄຊຍະສອນ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ໃນທ້າຍເດືອນກັນຍາຜ່ານມາ ແລະ ໂອກາດດັ່ງກ່າວກໍ່ໄດ້ມີຂໍ້ສະເໜີຫລາຍຂໍ້ທີ່ມີຄວາມຫມາຍ

  ປະຫວັດສາດ ແລະ ເປັນຍຸດທະສາດໃນການຮ່ວມມືສອງຝ່າຍເປັນຕົ້ນແມ່ນໂຄງການຮ່ວມມືເຊື່ອມ

  ຕໍ່ເສັ້ນທາງລົດໄຟ ລາວ-ຈີນ ແລະ ອາຊຽນ, ໂຄງການດາວທຽມ, ໂຄງການຊົນລະປະທານ ແລະ ອື່ນໆ. ເຖິງແມ່ນວ່າປີ 2011 ນີ້ ລາວ ຈະປະເຊີນກັບໄພພິບັດທາງທຳມະຊາດຫລາຍກໍ່ຕາມແຕ່ລາວກໍ່

  ຍັງຮັກສາໄດ້ຈັງຫວະການເຕີບໂຕທາງເສດຖະ ກິດຢູ່ໃນລະດັບ 8% ຂຶ້ນໄປ. ນະໂອກາດນີ້ອີກເທື່ອ

  ຫນຶ່ງຕາງຫນ້າໃຫ້ພັກ-ລັດຖະບານ ແລະ ປະຊາຊົນລາວ ທ່ານຮອງນາຍົກລັດຖະມົນຕີໄດ້ສະແດງ

  ຄວາມຮູ້ບຸນຄຸນທີ່ ສປ ຈີນ ກໍ່ຄືແຂວງກວາງຊີໄດ້ໃຫ້ການສະຫນັບສະຫນູນຊ່ວຍເຫລືອ ແລະອຳນວຍ

  ຄວາມສະດວກທຸກປະການໃຫ້ແກ່ຄະນະຜູ້ແທນລາວໃນການເຂົ້າຮ່ວມງານວາງສະແດງສິນຄ້າອາຊຽນ-ຈີນ ທຸກໆປີ ນັບແຕ່ປີ 2004 ເປັນຕົ້ນມາ ແລະ ຫວັງວ່າຈີນ ຈະໃຫ້ການສະໜັບສະຫນູນອີກຕໍ່ໄປ ພ້ອມທັງອວຍພອນໃຫ້ງານວາງສະແດງສິນຄ້າ ຈີນ-ອາຊຽນ ຄັ້ງທີ 8 ຈົ່ງປະສົບຜົນສຳເລັດຢ່າງ

  ຈົບງາມ.

  

[ຕາຕະລາງເນື້ອໃນທີ່ກ່ຽວຂ້ອງ]

    ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
    ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ