ວັນທີ:
ທີ່ຢູ່ປັດຈຸບັນ:ໜ້າທຳອິດ > ຂ່າວສານ > ໃຫມ່ສຸດ

ບໍລິສັດ ຊີເອເອັມຊີອີ ຈະພັດທະນາເຂດດອນຈັນໃຫ້ກາຍເປັນເຂດພັດທະນາອະສັງຫາລິມະຊັບຂະໜາດໃຫຍ່

ແຫຼ່ງທີ່ມາ:  ວັນທີ:

  

   ບໍລິສັດ ຊີເອເອັມຊີອີ ອິນເວສເມັນ (ລາວ) ຈຳກັດ ເຊິ່ງເປັນບໍລິສັດຮ່ວມຮຸ້ນລະຫວ່າງລັດວິສາຫະກິດຈີນ ຊີເອເອັມຊີເວັນຈີເນຍລິງ ແລະ ກຸ່ມບໍລິສັດກຼິດຕະພົງຈະລົງທຶນບໍ່ຕ່ຳກວ່າ 600 ລ້ານໂດລາສະຫະລັດ ເພື່ອສ້າງເຂດດອນຈັນໃຫ້ກາຍເປັນເຂດພັດທະນາອະສັງຫາລິມະຊັບຂະໜາດໃຫຍ່ທີ່ສຸດຢູ່ນະຄອນຫລວງວຽງຈັນ, ພາຍຫລັງໂຄງການພັດທະນາອະສັງຫາລິມະຊັບຂະໜາດໃຫຍ່ຢູ່ນະຄອນຫລວງວຽງຈັນ ເຊິ່ງເອີ້ນວ່າ: ໂຄງການວຽງຈັນນິວເວີນ ໄດ້ເປີດຢ່າງເປັນທາງການໃນວັນທີ 21 ພຶດສະພາ 2012 ທີ່ໂຮງແຮມລາວພລາຊານະຄອນຫລວງວຽງຈັນ ໂດຍເປັນ ກຽດເຂົ້າຮ່ວມຂອງທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະ ເທດແຫ່ງ ສປປ ລາວ, ທ່ານນາງ ລູ ຢັງ (Luo Yan)ປະທານຂອງບໍລິສັດຊີເອເອັມຊີເວັນຈີເນຍລິງຈີນ ພ້ອມບັນດາລັດຖະມົນຕີ ແລະ ເຈົ້າໜ້າທີ່ກ່ຽວຂ້ອງເຂົ້າຮ່ວມ.ໂຄງການວຽງຈັນນິວເວີນຕັ້ງຢູ່ດອນຈັນໃນໃຈກາງນະຄອນຫລວງວຽງຈັນ ເຊິ່ງທິດຕາເວັນຕົກຂອງໂຄງການຕິດກັບແມ່ນ້ຳຂອງ ແລະ ທິດຕາ ເວັນອອກຕິດກັບສຳນັກງານປະທານປະເທດ. ໂຄງການດັ່ງກ່າວຈະລົງທຶນປະມານ 600 ລ້ານໂດລາສະຫະລັດ ພາຍໃຕ້ສັນຍາສຳປະທານ 90ປີ ຊຶ່ງໄດ້ກວມເອົາເນື້ອທີ່ປະມານ 42 ເຮັກຕາ, ໃນນັ້ນເນື້ອທີ່ສຳລັບການກໍ່ສ້າງກວມປະມານ 700.000 ຕາແມັດ ເຊິ່ງປະກອບມີສູນການຄ້າ, ໂຮງສາຍຮູບເງົາ, ອາຄານ-ຫ້ອງການ, ໂຮງແຮມ, ອາຄານຫ້ອງເຊົ່າ, ຖະໜົນຄົນຍ່າງ ແລະ ອື່ນໆ. ໂຄງການພັດທະນາມີເນື້ອທີ່ກໍ່ສ້າງຫລາຍກວ່າ 700.000 ຕາແມັດ ແບ່ງອອກເປັນ 3 ໄລຍະຄື: ໄລຍະທີ 1: ແມ່ນການກໍ່ສ້າງເຮືອນພັກຜູ້ນຳ 50 ຫລັງ ຫລື ເອີ້ນວ່າ: ASEM Villasເຊິ່ງລັດຖະບານຈະນຳໃຊ້ເຮືອນພັກແຫ່ງນີ້ເພື່ອຕ້ອນຮັບຜູ້ນຳທີ່ຈະເດີນທາງມາຮ່ວມກອງປະຊຸມສຸດຍອດອາຊີ-ເອີຣົບ ຄັງທີ 9 ໃນເດືອນພະຈິກທີ່ຈະມາເຖິງນີ້. ທາງບໍລິສັດຈະເລີ່ມໂຄງການໃນໄລຍະທີ 2 ພາຍໃນປີນີ້ ເຊິ່ງປະກອບມີສູນວັດທະນະທຳ ແລະ ທ່ອງທ່ຽວສາກົນ ແລະ ສູນທີ່ຢູ່ອາໄສສາກົນ. ສູນວັດທະນະທຳ ແລະ ທ່ອງທ່ຽວສາກົນຈະກາຍເປັນໜຶ່ງໃນຈຳນວນຖະໜົນຄົນຍ່າງທີ່ດີທີ່ສຸດໃນລາວ ເຊິ່ງຈະປະກອບມີສິ່ງອຳນວຍຄວາມສະດວກຕ່າງໆເຊັ່ນ: ຮ້ານອາຫານລາວ ແລະ ສາກົນ, ຮ້ານຄ້າຕ່າງໆ, ຮ້ານບັນເທີງ ແລະ ໂຮງສາຍຮູບເງົາສາກົນຢູ່ ສປປ ລາວ. ໃນຂະນະທີ່ສູນທີ່ຢູ່ອາໄສສາກົນໄດ້ຖືກອອກແບບຕາມມາດຕະຖານສາກົນ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງກຸ່ມຄົນຕ່າງໆ. ເຂດທີ່ຢູ່ອາໄສນີ້ຈະປະກອບມີສິ່ງອຳນວຍຄວາມສະດວກຕ່າງໆ ແລະ ອ້ອມຮອບໄປດ້ວຍຮ້ານອາຫານ ແລະ ຮ້ານຂາຍສິນຄ້າຕ່າງໆ. ໃນຂະນະທີ່ໄລຍະທີ 3 ຂອງໂຄງການແມ່ນຈະເລີ່ມຂຶ້ນໂດຍການກໍ່ສ້າງສູນທຸລະກິດສາກົນ ເຊິ່ງຈະກາຍເປັນບ່ອນທີ່ນັກທຸລະກິດທັງພາຍໃນ ແລະ ຕ່າງປະເທດມາຕັ້ງຫ້ອງການຢູ່. ໃນເຂດນີ້ຈະມີຕຶກສູງຫລາຍກວ່າ 100 ແມັດ ຂຶ້ນໄປ. ຄາດວ່າ: ໂຄງການດັ່ງກ່າວຈະສຳເລັດທັງໝົດລະຫວ່າງ 6 ຫາ 8ປີຂ້າງໜ້ານີ້ຄົນລາວກໍ່ຈະເຫັນຄວາມທັນສະໄຫມ ແລະວຽງຈັນກຳລັງຈະກາຍເປັນໄຂ່ມຸກແຫ່ງແມ່ນ້ຳຂອງໃນບັນດາປະເທດອິນດູຈີນທີ່ປະກອບມີໃຈກາງເມືອງໃໝ່ທີ່ຈະມີຊື່ສຽງໃນລາວ.ໂຄງການວຽງຈັນນິວເວີນຈະສ້າງຂຶ້ນ ໂດຍມີການເຊື່ອມໂຍງກັບປະຫວັດສາດ ແລະ ວັດທະນະທຳລາວ. ເປັນເມືອງທີ່ມີການຮັກສາສະພາບແວດລ້ອມ.

  

[ຕາຕະລາງເນື້ອໃນທີ່ກ່ຽວຂ້ອງ]

ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ