ວັນທີ:
ທີ່ຢູ່ປັດຈຸບັນ:ໜ້າທຳອິດ > ຂ່າວສານ > ໃຫມ່ສຸດ

ທ່ານ ດຣ. ທອງລຸນ ສີສຸລິດ ລົງຢ້ຽມຢາມກວດກາໂຄງການກໍ່ສ້າງ ເພື່ອຮັບໃຊ້ກອງປະຊຸມ ອາເຊັມ ຄັ້ງທີ 9

ແຫຼ່ງທີ່ມາ:  ວັນທີ:

  

  ວັນທີ 26 ພຶດສະພາ 2012 ພະນະທ່ານ ດຣ. ທອງລຸນ ສີສຸລິດ ຮອງນາຍົກ ລັດຖະມົນຕີ,ລັດຖະມົນຕີວ່າການກະຊວງການຕ່າງປະເທດທັງເປັນຮອງປະທານ, ຜູ້ປະຈຳການ ຄະນະກຳມະການຊີ້ນຳລະດັບຊາດ ເພື່ອກຽມໃຫ້ແກ່ການເປັນເຈົ້າພາບກອງປະຊຸມສຸດຍອດອາເຊັມຄັ້ງທີ 9. ບັນ ດາລັດຖະມົນຕີວ່າການ ແລະຊ່ວຍວ່າການທີ່ກ່ຽວຂ້ອງໄດ້ລົງຢ້ຽມຢາມໂຄງການກໍ່ສ້າງໂຄງລ່າງພື້ນຖານເພື່ອຕິດຕາມຊຸກຍູ້ ແລະ ໃຫ້ທິດຊີ້ນຳບັນດາເຈົ້າຂອງໂຄງການກໍ່ສ້າງຮາກຖານເພື່ອຮັບໃຊ້ໃຫ້ແກ່ກອງປະຊຸມສຸດຍອດອາເຊັມ ຄັ້ງທີ 9 ຢູ່ນະຄອນຫລວງວຽງຈັນເຊັ່ນ: ເຮືອນພັກ 50 ຫລັງ ແລະ ໂຮງແຮມ Land Mark Mekong Riverside Hotel ຢູ່ເຂດພັດທະນາດິນດອນຈັນຕອນໃຕ້, ໂຄງການກໍ່ສ້າງອາຄານກຽດຕິຍົດ ແລະ ປັບປຸງສະຫນາມບິນສາກົນວັດໄຕ ແລະ ໂຄງການກໍ່ສ້າງຫໍປະຊຸມແຫ່ງຊາດຢູ່ຫລັກ 6. ບັນດາເຈົ້າຂອງໂຄງການກໍ່ສ້າງໄດ້ລາຍງານກ່ຽວກັບການຈັດຕັ້ງປະຕິບັດໂຄງການ, ຄວາມຄືບຫນ້າ ແລະ ບັນດາຂໍ້ຄົງຄ້າງຕ່າງໆຂອງໂຄງການຂອງຕົນໃຫ້ແກ່ພະນະທ່ານ ດຣ. ທອງລຸນ ສີສຸລິດ ພ້ອມດ້ວຍຄະນະ. ພ້ອມດຽວກັນນີ້,ບັນດາເຈົ້າຂອງໂຄງການດັ່ງກ່າວກໍ່ໄດ້ໃຫ້ຄຳສັນຍາວ່າຈະປະຕິບັດໂຄງການຂອງຕົນໃຫ້ສຳເລັດຕາມກຳນົດກ່ອນກອງປະຊຸມສຸດຍອດອາເຊັມຄັ້ງທີ 9 ເພື່ອປະກອບສ່ວນເຂົ້າໃນການອຳນວຍຄວາມສະດວກ ແລະ ກະກຽມຄວາມພ້ອມໃຫ້ແກ່ການເປັນເຈົ້າພາບຈັດກອງປະຊຸມສຸດຍອດ ອາເຊັມ ຄັ້ງທີ 9ຊຶ່ງຈະຈັດຂຶ້ນໃນວັນທີ 5-6 ພະຈິກ 2012 ນີ້, ທີ່ນະຄອນຫລວງວຽງຈັນ ສປປ ລາວ. ໃນໄລຍະການຢ້ຽມຢາມບັນດາໂຄງການກໍ່ສ້າງດັ່ງກ່າວພະນະທ່ານຮອງນາຍົກລັດຖະມົນຕີ ດຣ.ທອງລຸນ ສີສຸລິດ ໄດ້ສະແດງຄວາມຊົມເຊີຍຕໍ່ຜົນສຳເລັດ ແລະຄວາມຄືບຫນ້າໃນການຈັດຕັ້ງປະຕິບັດໂຄງການພ້ອມທັງໄດ້ໃຫ້ທິດຊີ້ນຳແກ່ບັນດາເຈົ້າຂອງໂຄງການໃນການຈັດຕັ້ງປະຕິບັດໂຄງການຂອງຕົນພ້ມດຽວກັນນີ້ພະນະທ່ານຍັງໄດ້ເນັ້ນຫນັກອີກວ່າ: ກອງປະຊຸມຄັ້ງນີ້ແມ່ນ ກອງປະຊຸມທີ່ມີຄວາມສຳຄັນ ແລະ ເປັນຄັ້ງປະຫວັດສາດທີ່ ສປປ ລາວເຄີຍເປັນເຈົ້າພາບ ຊຶ່ງຄາດວ່າຈະມີບັນດາຜູ້ນຳຈາກ 51 ຄູ່ຮ່ວມມືສາກົນພ້ອມດ້ວຍຄະນະເດີນທາງມາຈາກທະວີບອາຊີ ແລະ ເອີຣົບ ເພື່ອເຂົ້າຮ່ວມກອງປະຊຸມສຸດຍອດອາເຊັມຄັ້ງທີ 9 ໃນທ້າຍປີນີ້. ສະນັ້ນ,ບັນດາໂຄງການກໍ່ສ້າງພື້ນຖານໂຄງລ່າງແມ່ນມີຄວາມສຳຄັນຫລາຍໃນການປະກອບສ່ວນເຂົ້າໃນກອງປະຊຸມໃນຄັ້ງນີ້.

  

[ຕາຕະລາງເນື້ອໃນທີ່ກ່ຽວຂ້ອງ]

ລິຂະສິດ:South-East Asia & South Asia Infoport    ເລກທີ 09005773 ຢຸນນານ ICP
ອຸປະຖຳເຕັກນິກ: ບໍລິສັດຈົງປາຍສິນປັກກິ່ງ